მნიშვნელოვანია, რომ სამუშაო სივრცეები მორგებული იყოს ადამიანის ფიზიკურ და ფსიქოლოგიურ ფაქტორებს.
შემდეგმა ერგონომიულმა ფაქტორებმა შესაძლოა გამოიწვიოს ადამიანის ჯანმრთელობის დაზიანება:
- სხეულის უხერხული პოზიცია;
- მომუშავისთვის არასათანადოდ მორგებული მანქანა-დანადგარები, მოწყობილობები და ა.შ.
- არახელსაყრელი სამუშაო პირობები: ხმაური, მაღალი, ტემპერატურა, ვიბრაცია და ა.შ.
- სამუშაოს არასათანადო ორგანიზება;
- განმეორებითი ქმედებები წინასწარ განსაზღვრული შესვენებების გარეშე და ა.შ.
ერგონომიკასთან დაკავშირებული რისკების კონტროლის ზომები:
- დასაქმებულების ტრენინგები ერგონომიკისა და სწორი სამუშაო მეთოდების, პროცედურების და პრაქტიკის შესახებ;
- მექანიკური დამხმარე საშუალებების გამოყენება;
- დასაქმებულებს უნდა შეეძლოთ ხშირი, ხანმოკლე შესვენებების აღება და უნდა ასრულებდნენ მრავალფეროვან სამუშაოს;
- სამუშაო ადგილის ერგონომიკის პრინციპების მიხედვით მოწყობა;
- სამუშაო ადგილებთან ხელმისაწვდომი უნდა იყოს დავალების შესრულებისთვის აუცილებელი მასალები;
- სამუშაო ადგილის მოდიფიკაცია – მომუშავეზე მორგება;
- წინასწარ დაგეგმილი შესვენებები, გაჭიმვების/განტვირთვის და ვარჯიშის წახალისება.
ვრცელი ინფორმაცია ერგონომიკისა და სამუშაო სივრცეებში გავრცელებული სხვა საფრთხეების შესახებ იხილეთ ჩვენ ონლაინ ბიბლიოთეკაში – https://cosho.ge/library