საქართველოს ნარჩენების მართვის კოდექსის მიხედვით, ნარჩენი განისაზღვრება შემდეგნაირად: “ნებისმიერი ნივთიერება ან ნივთი, რომელსაც მფლობელი იშორებს, განსაზღვრული აქვს მოიშოროს ან ვალდებულია მოიშოროს.”
ნარჩენების ტიპებია:
სახიფათო – ახასიათებს აალებადობა, კოროზიულობა, რეაქტიულობა და ტოქსიკურობა; არასახიფათო – ნარჩენები, რომლებსაც არ მოიცავს “სახიფათო ნარჩენების” განმარტება; ინერტული – არ განიცდიან მნიშვნელოვან ფიზიკურ/ქიმიურ/ბიოლოგიურ ცვლილებას, მაგ: აგური, ბლოკი, მინა და ა.შ.; სპეციფიკური – ნარჩენად გადაქცევის შემდეგ საჭიროებს მართვის სპეციფიკურ ზომებს, მაგ: ზეთი, ბატარეა, ელ.მოწყობილობები და ა.შ.ნარჩენების მართვის პოლიტიკა ეფუძნება შემდეგ იერარქიას: პრევენცია, ხელახალი გამოყენებისთვის მომზადება, რეციკლირება, სხვა სახის აღდგენა და განთავსება.
გაითვალისწინეთ, რომ ნარჩენების მართვის გეგმის შემუშავება და სამინისტროსთვის წარდგენა სავალდებულოა:
- ფიზიკური ან იურიდიული პირისთვის, რომლის საქმიანობის შედეგად წლის განმავლობაში წარმოიქმნება 200 ტონაზე მეტი არასახიფათო ნარჩენი/ ნებისმიერი რაოდენობის სახიფათო ნარჩენი;
- ფიზიკური პირის შემთხვევაში – 1000 ტონაზე მეტი ინერტული ნარჩენი;
- ხოლო იურიდიული პირის შემთხვევაში – 400 ტონაზე მეტი ინერტული ნარჩენი წარმოიქმნება.
ვრცელი ინფორმაცია ნარჩენების მართვასთან დაკავშირებით იხილეთ ჩვენ ონლაინ ბიბლიოთეკაში – https://cosho.ge/library