აუცილებელია, კომპანიამ შეიმუშავოს საგანგებო სიტუაციებზე რეაგირების გეგმა, რომელიც შესაბამისობაში იქნება საქართველოს კანონთან სამოქალაქო უსაფრთხოების შესახებ და საქართველოს მთავრობის N 452 -ე დადგენილებასთან.
საგანგებო სიტუაციებზე რეაგირების გეგმის მიზანია განსაზღვროს:
- საგანგებო სიტუაციებზე რეაგირების გუნდი;
- გუნდის წევრების მოქმედების სახელმძღვანელო მითითებები, შენობიდან თავშეყრის ადგილამდე მოქალაქეთა ევაკუაციის უზრუნველსაყოფად;
- ევაკუაციის დამთავრების შემდეგ პერსონალის სრული აღრიცხვის მეთოდოლოგია;
- ინფორმაციის დეტალურად მოძიების წესი, რათა მოპოვებული ინფორმაცია ზუსტად გადაეცეს საგანგებო სიტუაციების მართვის ცენტრს;
- მთავარი და ალტერნატიული კომუნიკაციის გზები, ასევე საგანგებო მდგომარეობაზე რეაგირების სამსახურთან დასაკავშირებელი მეთოდები;
- რეაგირების გუნდის წევრებისთვის საჭირო მინიმალური სწავლებების და ტრენინგების სია.
საგანგებო სიტუაციებზე რეაგირების დროს აუცილებელია ხელმისაწვდომი იყოს ინდივიდუალური აღჭურვილობა:
- წინასწარ მომზადებული მთლიანი შენობის ევაკუაციის გეგმა და საგანგებო სიტუაციებზე რეაგირების გუნდის წევრთა საკონტაქტო ნომრები;
- მაღალი გარჩევადობის ჟილეტი;
- ჩაფხუტი, რაცია, ტელეფონი ავარიული გამოყენებისთვის, (აირ) საყვირი;
- ხელის ფანარი სათადარიგო ელემენტებით.
გასათვალისწინებელი საკითხები:
არ გამოიყენოთ ლიფტი. ხანძრის და სეისმური აქტივობების დროს, გამაფრთხილებელი აბრები უნდა განთავსდეს ლიფტებთან; საგანგაშო სიგნალი უნდა იყოს სმენადი დასაფარი ტერიტორიის ყველა მონაკვეთში; საავარიო სიტუაციისა და ევაკუაციის სწავლებითი სიმულაციები სავალდებულოა ჩატარდეს წელიწადში მინიმუმ ორჯერ, რომლის შემდეგაც გამოიკვეთება ხარვეზები და გაიწერება გამოსასწორებელი დავალებები.
ვრცელი ინფორმაცია საგანგებო საგანგებო სიტუაციებზე რეაგირების გეგმასთან დაკავშირებით იხილეთ ჩვენ ონლაინ ბიბლიოთეკაში – https://cosho.ge/library