ქიმიურმა ნივთიერებებმა შესაძლოა ზიანი მოუტანოს არამარტო ადამიანს, არამედ გარემოსა და საკუთრებას.
ბუნებრივი წარმოშობის თუ საშინაო გამოყენების ქიმიური ნივთიერებები ადამიანის ორგანიზმში შეიძლება მოხვდეს რამდენიმე გზით: შეწოვა, გადაყლაპვა და შესუნთვა.
ქიმიური საფრთხეები შეიძლება წარმოიშვას:
სამუშაოზე გამოყენებული ნივთიერებებიდან გამომდინარე, მაგ.: წებო, საღებავი, საწმენდი საშუალებები;
უშუალოდ სამუშაო პროცესიდან გამომდინარე, მაგ.: შედნობა-შედუღების შედეგად წარმოქნილი ბოლი.
მოტანილი ზიანის დონე (მყისიერი ეფექტი და ქრონიკული ეფექტი) დამოკიდებულია იმაზე თუ რა გზით და რამდენად სწრაფად მოხვდება ნივთიერება ადამიანის ორგანიზმში.
ზიანი შესაძლოა იყოს შემდეგნაირი: კანის დაავადება, სისხლის მოწამვლა, კონკრეტული ორგანოების დაზიანება, სასუნთქი გზების სხვადასხვა დაავადებანი და ა.შ.
აუცილებელია სამუშაო სივრცეში ხელმისაწვომ და ყველასთვის ცნობილ ადგილას განთავსებული იყოს MSDS – ქიმიური ნივთიერების უსაფრთხოების უწყისი, სადაც მითითებული იქნება ნივთიერების დასახელება, დაცვის საშუალებები, დასაწყობების, პირველადი სამედიცინო დახმარების შესახებ ინფორმაცია და ა.შ.
ქიმიური ნივთიერებების შესახებ მეტ ინფორმაციას გაეცანით სახელმძღვანელოში “შრომის უსაფრთხოება სოფლის მეურნეობის სფეროში” ან ეწვიეთ კონფედერაციის ელ. ბიბლიოთეკას: https://cosho.ge/biblioteka/
