დახურულ სივრცეს გააჩნია შეზღუდული შესასვლელები და გამოსასვლელები. ის არ არის განკუთვნილი მუდმივი სამუშაოებისთვის, თუმცა საკმარისად დიდია იმისთვის, რომ მომუშავე პირმა შეძლოს მასში მთლიანად შესვლა/ჩასვლა.

სივრცეში ნებისმიერი მიზეზით ჩასვლამდე აუცილებელია სამუშაო პროცესის დეტალურად დაგეგმვა, საფრთხეების იდენტიფიცირება, რისკების განსაზღვრა და მათი კონტროლის მექანიზმების გატარება.

კონტროლის იერარქიის მიხედვით უპირატესობა ყოველთვის უნდა მიენიჭოს საფრთხის გამორიცხვას, ანუ შესაძლებლობის შემთხვევაში, სამუშაოს გარედან შესრულებას.

სივრცეში შესვლამდე აუცილებელია არსებული და პოტენციური სახიფათო ატმოსფეროს (ჟანგბადის, აალებადი და ტოქსიკური აირების, ორთქლის) შემოწმება და მუდმივი მონიტორინგი სპეციალური აირ დეტექტორით.

ხშირად, დახურულ სივრცეში ტოქსიკურ ატმოსფეროს ქმნის გოგირდწყალბადი (H2S), რომელსაც არ გააჩნია ფერი და ხასიათდება ლაყე კვერცხის სუნით.

მისი შესუნთქვა მყისიერად აქვეითებს ყნოსვის შეგრძნებას/კლავს ყნოსვის რეცეპტორებს, აფერხებს ჟანგბადის გადაადგილებას უჯრედის დონეზე და იწვევს ასფიქსიას. შესაძლებელია მომუშავეზე ზემოქმედება კანზე შეღწევის გზითაც.

აუცილებელია, დახურულ სივრცეში შესვლამდე ატმოსფეროს ტესტირება, შესაბამისი უწყვეტი/გამწოვი ვენტილაციის შენარჩუნება, ინდივიდუალური დაცვის საშუალებების გამოყენება და სხვა კონტროლის მექანიზმების განხორციელება.

 დახურული სივრცის შესახებ მეტი ინფორმაციის მისაღებად ეწვიეთ ჩვენს ელ.ბიბლიოთეკას: https://cosho.ge/biblioteka/

 დახურულ სივრცეში მუშაობის ტრენინგ-კურსის გასავლელად და სერტიფიკატის მისაღებად ეწვიეთ ბმულს: https://academy.safco.ge/%e1%83%93%e1%83%90%e1%83%ae%e1%83…/