კარგი პრაქტიკაა მაღალი რისკის შემცველ ობიექტებზე სამუშაოები განხორციელდეს წინასწარ შემუშავებული უსაფრთხოების პროცედურებით – სამუშაო ნებართვის სისტემის დანერგვით(Work Permit).
სამუშაო ნებართვა არის დოკუმენტირებული პროცესი, რომელიც მომუშავეებს უფლებას აძლევს განსაზღვრულ ვადაში განახორციელოს სამუშაოები.
ნებართვის გაცემაში მონაწილეობს: საქმის მწარმოებელი, შრომის უსაფრთხოების სპეციალისტი და ობიექტის მენეჯერი.
დოკუმენტების კრებული მოიცავს:
სამუშაოს და მისი შემადგენელი ნაბიჯების ჩამონათვალი; სამუშაო მეთოდოლოგია – სწორად შესრულების დეტალური აღწერა; გამოყენებული დანადგარების, ხელსაწყოების, ტექნიკის ჩამონათვალი; სამუშაოზე მონაწილე ადამიანების ჩამონათვალი;სამუშაოების რისკების შეფასება;
მინიმალური შრომის უსაფრთხოების მოთხოვნები.აღსანიშნავია, რომ ნებართვების სისტემების სწორად დანერგვა შესაძლებელია ყველა ძირითადი სამუშაოს წარმოებისას, რაც გააუმჯობესებს ზედამხედველობის პროცესს.
ამ ეტაპზე, სამუშაო ნებართვები ძირითადად გამოიყენება შემდეგი სამუშაოებისთვის: ელექტრობასთან მუშაობა, დახურულ სივრცეში მუშაობა, ექსკავაცია, ტვირთამწე სამუშაოები და სხვა მომეტებული საფრთხის შემცველი სამუშაოები.
სამუშაო ნებართვის შესახებ მეტი ინფორმაციის მისაღებად ეწვიეთ კონფედერაციის ელ.ბიბლიოთეკას: https://cosho.ge/library